Autors: Elmārs Orols
Avots: ElmārsOrols.com
Šūgod rudinī literatu bīdreiba „Latgales ūdensroze” izdeve kūpkrōjumu „Pyura skreine”.
Šōs grōmotas nūsaukums – „Pyura skreine” – nav izvālāts najauši. Latgalīšu volūda ir bogōta: vīnu un tū pošu vōrdu dažaidōs Latgolas vītōs cylvāki izrunoj cytaižōk. Var, prūtams, streidētīs, kai ir pareizōk runōt – „jir”, „ir” voi „jer”, „kai” voi „kei”. Un cik skaneigi un kūši izskaņ latgalīšu vōrdi Ludzas apleicīnē – „vāgļa”, „īdļa”, „ādļa” u.c. Šī vōrdi ir kai pučes pļovā, kai seņču saglobōtais montōjums, kū ceļam ōrā nu pyura skreines. Un kas lai zyna, kai skanēja latgalīšu vōrdi pyrms trejssymts godim, pyrms tyukstūš? Vēļ agrōk? Cik daudz nu šōs volūdas „pyura skreines” ceļam šudiņ, kod ikdīnas dzeivē īnōk modernas tehnologijas ar jaunvōrdim, ar globalismu? Kai skanēs latgalīšu volūda pēc pīcdesmit, pēc symts godim? Cik daudz spēsim saglobōt?
Reklāma
Grōmotā ar sovim radūšajim dorbim publicējās literātu bīdreibas „Latgales ūdensroze” daleibnīki. Literatu radūšō pīredze ir dažaida, kaids roksta tikai dzeju, kaids tikai prozu, kaids i prozu i dzeju.
Grōmotā publicēti Līvijas Liepdruvietes, Imanta Gaiļa, Betijas Bergas, Aijas Zujas, Marutas Avramčenko, Ivetas Dimzules, Arvīda Gļaudas, Elvīras Pinkas, Kristīnes Belinskas, Baibas Kauliņas un Daiņa Krievāna radūšī dorbi.
Lai latgalīšu volūdas „pyura skreine” ir bogōta un pylna!
Par rakstu pārpublicēšanas noteikumiem lūdzam kontaktēties ar Travelnews.lv redakciju.
SADAļU ATBALSTA:
